Кога принцот Хари (35) и Меган Маркл (38) во јануари отстапија од кралските должности, сите ја осудија Меган за таа одлука, но се чини дека не е така. Странските медиуми пишуваат дека зад сè стои принцот Хари, кој воопшто не го сака називот „Мегзит“ бидејќи тоа инсинуира дека неговата сопруга го почнала целиот процес.
Книгата наречена „Пронаоѓање слобода: Хари и Меган и правењето модерно кралско семејство“ излегува на средината на август и во неа ќе се откријат деталите поради што дошло до напуштање на кралското семејство.
Како што изјавил извор за странски медиуми, принцот Хари бил многу несреќен, а Меган само го поддржала да ја донесе одлуката што на крајот го шокираше светот.
Хари, наводно, никогаш не уживал во својата позиција и постојано изјавувал дека многупати во животот посакал да не е принц. Го мразел и медиумскиот притисок што кралското семејство го трпи со години.
Исто така, изворите додаваат дека Хари бил загрижен за Меган затоа што фотографите ја опседнувале, исто како и неговата мајка, принцезата Дајана, па првенствено сакал да го заштити семејството.
