Меган Маркл проговори за тоа како се носи со мајчинството и интересот на јавноста за нејзиниот живот.
Во текот на интервјуто со Том Бредли во Африка војвотката од Сасекс едвај ги задржуваше солзите, особено откако тој ја праша дали е добро.
„Многу луѓе не ме прашале дали сум добро“, одговорила таа.
„Секоја жена, особено кога е бремена, навистина е ранлива и тоа ми беше голем предизвик. Потоа имате новороденче…Знаете? Особено за жените, тоа е многу. Додадете го на тоа фактот дека сте нова мајка и дека штотуку сте влегле во брак. Фала на прашањето, многу луѓе не ме прашале дали сум добро, но тоа е реалноста која ја поминувам зад камерите“, изјави таа.
Бредли потоа ја запраша дали одговорот е дека таа и не се чувствува така добро, а Меган одговори потврдно.
