Лепа Брена и Боба Живоиновиќ донеле одлука да ја продадат вилата на Бежаниска коса, а сумата што ја бараат за неа е 2 милиони евра.
Фолк ѕвездата и поранешниот тенисер вилата ја имаат од 90-те години на минатиот век, но таа за нив сега станала преголема. Филип и Стефан Живоиновиќ веќе се отселиле, а и другиот нивни син Виктор планира да започне да живее под сопствен покрив.
По желбара на Брена, наводно парот ќе купи нова куќа на Дедиње или Сењак, бидејќи тој крај отсекогаш ѝ се допаѓал.
„Желбата на Брена и порано беше да се пресели на Дедиње или Сењак, повеќе ѝ се допаѓаат тие делови од градот. Сега е идеална прилика да го исполни својот сон. Новата куќа што ќе ја купат ќе биде многу помала, не повеќе од 300 квадрати“, раскажал изворот.
„Ние купивме голема куќа за да бидеме со децата, но сега тоа е приказна во која секој родител е среќен што неговото дете се осамостоило и што сака некаков свој личен живот, што е сосема нормално, бидејќи не е нормално да живеете со родителите после 22-23 година. Ама јас како мајка еден ден добро се изнаплакав. Плачев и кога Филип отиде на факултет, кога си отиде од дома, исто и Стефан, куќата е празна ако ги нема децата во неа“, рекла Брена.
