Актерот Крис Нот познат по улогата во култната серија „Sex And The City“, се соочува со обвиненија за сексуално злоставување од две жени кои сакаат да останат анонимни за јавноста. Сега се огласи и актерката Зои Листер-Џонс.
39-годишната актерка тврди дека на Крис бил непристоен со неа, во сексуална смисла. Зои својата приказна ја сподели во објава на својот инстаграм-профил.
View this post on Instagram
„Во моите дваесетти работев во клуб во Њујорк во сопственост на Крис Нот. Тој доаѓаше таму неколку пати и секогаш имаше несоодветен, сексуален пристап кон една колешка“, напиша Зои, опишувајќи го своето искуство со актерот.
View this post on Instagram
„Истата година добив понуда за гостинска улога во серијата „Law & Order“. Тоа беше епизодата кога Крис се врати како детектив по улогата во „Sex And The City“. Тој дојде на сетот пијан. За време на мојата сцена под маса пиеше пиво за време на паузите. Ми пријде еднаш, ми го помириса вратот и ми шепна „Добро мирисаш“. Не му одговорив ниту пак некогаш зборував за тоа. Ниту мојата пријателка во клубот. Ретко кој го прави тоа“, напиша актерката.
View this post on Instagram
Да потсетиме, две жени неодамна излегоа во јавноста со приказната дека актерот сексуално ги злоставувал. Тие тврдат дека инцидентите се случиле во Лос Анџелес во 2004 година и во Њујорк во 2015 година.
Актерот во изјава за „The Hollywood Reporter“ ги негираше сите обвинувања.
