Песната „Кралица тротоара“, која денес се смета за еден од најголемите хитови на Миле Китиќ, всушност првично воопшто не била замислена како народна песна, ниту пак како композиција за него.
Авторот на текстот, Стево Симеуновиќ, во едно интервју откри дека идејата за оваа нумера била сосема поинаква – замислена била во поп манир, со звук на две акустични гитари, наменета за пејач од типот на Ѓорѓе Балашевиќ.
– Дојдов кај него дома со сопругата Марта. Ја листавме неговата тетратка со текстови и налетавме на „Кралица тротоара“. Ми рече дека таа песна не е за мене – раскажа Китиќ.
Иако текстот првично го збунил, токму неговата сопруга Марта инсистирала тој да ја земе песната.
Аранжерот Пера Здравковиќ на почетокот бил скептичен кон идејата „Кралица тротоара“ да се претвори во народна песна.
– Кога влегов во студио, Пера не беше сигурен во песната. Но затоа Кемиш и мојата Марта веруваа во неа. Пера на крајот замина дома, преспа, се врати следниот ден и направи аранжман. И се случи тоа што се случи – откри Китиќ во емисијата „Из профила“.
Фолк-пејачот неодамна одбележа 50 години кариера. Во текот на сите овие децении успеал да заработи и вложи во недвижности. Јавноста неодамна имаше прилика да ја види неговата нова вила на Авала, за која се шпекулира дека вреди околу половина милион евра.
