KOIKOI и DJ FITZ се придружуваат на веќе најавените Hercules & Love Affair (dj set), Shortparis, Blackstate, Murman Tsuladze, Искра, Луфтханза, Belgrado и Peki Pele! ЗДРАВО МЛАДИ е закажан за 27 август (петок) во МКЦ парк.
KOIKOI е свежо име на шареноликата и разиграна белградска музичка сцена. На публиката прв пат ѝ се претставија во 2019 година на компилацијата Hali Gali. Нивниот дебитантски албум „Pozivi u stranu“ го сврте вниманието кон култната словенечка независна етикета Moonlee records.
KOIKOI ќе нѐ маѓепса со својето трансжанровско комбинирање на автохтоната музичка традиција измиксана со современите трендови. Албумот „Pozivi u stranu“ ја носи најпримамливата форма на поинаков поп, кој во истовреме е свилено благозвучен и игриво бучен, радиски сензибилен и рокерски силовит, а секогаш под велот на хипнотички балкански мелос, преплет на екстаза и носталгија. Дебитантскиот албум е албум на кој регионалната независна сцена чекаше со децении, тој е бисер за сите што на време сфатија дека напредниот поп е новиот панк.
За DJ Fitz нема потреба од специјална најава, со него почнува и завршува секое издание на ЗДРАВО МЛАДИ. Наше, а светско. Спремил и ковид-микс за загревање, уживајте:
Билетите по цена од 400 денари се достапни на билетарница МКЦ и онлајн преку bileti.mkc.mk
*Фестивалот ќе се реализира согласно актуелните мерки/протоколи за организирање настани во отворен простор.
