Ќерката на поранешните сопружници Кејти Холмс и Том Круз, Сури Круз наполни 14 години и се чини дека прерасна во вистинска убавица.
Американските граѓани се воодушевени од тоа колку е изменета кога ја сретнуваат на улиците во градот каде што е родена, Њујорк.
Кејти Холмс и нејзината ќерка Сури Круз се блиски и поврзани, додека наводно Круз ја намалил комуникацијата со неа, бидејќи таа не избрала да го следи неговиот пат.
Холмс ја доби Сури на 27-годишна возраст, една година откако таа и Том Круз се запознале.
Актерката која ретко зборува за својот приватен живот, минатата година даде интервју за британското издание на магазинот „Еlle“ во кое откри дека никогаш не зажалила што станала мајка.
„Бев среќна што станав мајка во дваесеттите години“, изјави 41-годишната Кејти Холмс.
Љубовта со Круз не траеше долго, по 6 години заеднички живот, актерката побара развод во 2012 година.
„Секоја година кога ќерка ми полни една година повеќе, тоа се совпаѓа со мојата возраст. На некој начин, ние пораснавме заедно“, вели таа.
Сури сега прерасна во вистинска девојка. Таа го прослави својот 14-ти роденден и беше фотографирана од папараците во градот Њујорк на прошетка.
