Пејачката Илда Шаулиќ, по шокот поради смртта на нејзиниот татко Шабан, собра сили и влезе во студио.
Таа сними песна за нејзиниот покоен татко, а наскоро публиката ќе има можност да ја чуе. Неодамна таа првпат настапи во живо по неговата смрт и призна дека таа вечер била многу емотивна за неа.
Демо-верзијата на песната е снимена пред неколку години, а сега почувствувала дека е вистински момент да ја сними и да ја објави.
Ќе снима и спот, но за Пинк.рс нагласила дека тоа ќе го направи со проверен тим на кој му верува. Планира и до крајот на годината да објави уште една или две песни.
