Синоќа во Лос Анџелес беа доделени музичките награди „Billboard“, а свои настапи имаа Малума, Сиа, Алиша Кис, Шон Комбс, како и Бренди, која за првпат се појави на оваа манифестација.
Сепак, еден од највпечатливите настапи имаше пејачот Џон Леџенд, кој ја изведе нумерата „Never Break“, и ѝ ја посвети на сопругата Криси Тајген, која неодамна имаше спонтан абортус во петтиот месец од бременоста и го изгуби бебето.
Стиховите од неговата песна гласат:
„Никогаш нема да се скршиме
доволно силни да останеме.
Никогаш нема да се скршиме
како што водата се крева,
а планините се тресат,
нашата љубов ќе остане“.
Додека ја изведуваше песната, Леџенд едвај ги задржуваше солзите, а водителката на церемонијата Кели Кларксон испрати емотивна порака до него и неговата сопруга.
