Српската пејачка Гоца Тржан која соработуваше со Тоше Проески и заедно го снимија дуетот „1200 милји“, денеска, на денот на неговата смрт, сè уште со кнедла во грлото се сеќава на него.
– Толку ми е жал што Тоше не е жив. Би сакала да можеме да видиме како би изгледал тој како зрел и пораснат човек и уметник. Беше дете кога настрада. Нашето пријателство беше многу специфично, а соработката многу повеќе од соработка.
Научив многу од него, иако беше помлад од мене. Го сакав многу, тој беше прекрасно момче, ни малку скромен како што го претставуваа луѓето. Отворено ги покажуваше своите амбиции и сакаше да го освои целиот свет. Ќе успееше во тоа ако останеше жив – изјави Гоца во една прилика за медиумите.
