Популарната манекенка Хајди Клум (45) и нејзиниот вереник, музичарот Том Каулиц (29) започнаа да се забавуваат во март минатата година, а се верија на Бадник.
Парот моментално е во Берлин, каде Хајди ја очекува финалето од емисијата „Next Top Model“, а бендот на Том „Tokio Hotel“ има настап.
„Време е за шоу на Tokio Hotel! Berlin“ – напиша Хајди во описот на сликата на која таа го гушка од позади, а тој се завртува и ја бакнува.
Тие не се срамат јавно да разменуваат нежности, а светските медиуми со денови зборуваат за нивната врска. Во моментов се шпекулира и дека Хајди е бремена, а тие по тој повод сеуште не се огласија.
Парот во Берлин е со децата на Хајди – Лу (9), Хенри (14), Јохан (12) и Хелена (15), а како што се изгледа тие оваа врска одлично ја прифатија.
