Инфлуенсерката Бојана Мутиќ од Бања Лука се соочува со огромна семејна трагедија, откако соопшти дека починал нејзиниот 11-годишен син Максим.
Болката е уште потешка ако се знае дека пред две години го загуби и својот постар син Николај, кој тогаш имаше 12 години.
Двајцата браќа боледувале од Пелизаеус-Мерцбахеров синдром – ретко и тешко генетско невролошко заболување кое го зафаќа централниот нервен систем. Станува збор за болест за која медицината сè уште нема лек, а се јавува исклучително ретко, кај едно од околу 200.000 деца.
Ова заболување предизвикува сериозни физички и когнитивни последици, а во најтешките форми може да доведе и до прерана смрт.
View this post on Instagram
Бојана со години отворено говореше за секојдневната борба на своите деца, споделувајќи моменти од нивниот живот со цел да ја подигне свеста за ретките болести.
Во своите објави често ги нарекуваше Максим и Николај „најголеми борци“, нагласувајќи дека токму тие ја научиле на безусловна љубов, трпение и сила.
Тажната вест за смртта на Максим ја сподели преку социјалните мрежи, по што доби огромен број пораки со поддршка и сочувство од луѓе од целиот регион.
По загубата на Николај во 2022 година, Бојана продолжи целосно да му се посвети на Максим, а во 2023 година стана мајка и на девојчето Милица.
На социјалните мрежи многумина пишуваат дека нејзината храброст и посветеност кон децата оставиле силен впечаток кај јавноста.
