Соседите на познатиот брачен пар Богдана Ражнатовиќ и Вељко Ражнатовиќ откриваат каква е атмосферата во нивниот дом по враќањето на боксерот од Русија. Според нив, станува збор за мирно семејство кое не се меша во туѓите животи и живее повлечено.
– Ова е тивка улица каде што живееме. Тие не се слушаат, си ја гледаат својата работа и не обрнуваат внимание на другите. Го видов Вељко кога се врати, ми се чини дека ослабел додека беше во Русија. Неговата сопруга Богдана е многу посветена на децата, постојано е со нив. Децата од улицата често одат кај нив во дворот да си играат – раскажал еден од соседите во селото Тител.
Други жители од соседството истакнуваат дека семејството остава позитивен впечаток и во односот со луѓето што работат кај нив.
– Добри се и со соседите и со работниците. Многумина се ангажирани на нивната фарма и секогаш коректно се однесуваат кон сите – додала една соседка.
И покрај јавниот интерес за нивниот живот, Вељко Ражнатовиќ и Богдана Ражнатовиќ очигледно продолжуваат да негуваат мирен и семеен начин на живот, далеку од очите на јавноста.
