Пејачката Гоца Тржан често истакнува дека е непоправлив хедонист кој ужива во секој залак и затоа има прекумерна тежина уште од дете.
Како и другите жени, таа пробала разни диети кои во еден момент давале резултати, а во следниот килограмите се враќале. Пејачката се вртела во круг сè додека не се пријавила да учествува во реално шоу.
Во тоа време, Гоца Тржан поголемиот дел од денот живеела на ориз и она што го уловила, поради што ослабела како никогаш досега. Кога завршило натпреварувањето, таа тежела помалку од 50 килограми, па нејзината ќерка Лена и нејзиниот тогашен сопруг не ја препознале на аеродромот.
После тоа, пејачката се посвети на поздрав начин на исхрана, а во една прилика откри и како ја одржува својата тежина.
– Избегнувам леб, многу го сакам лебот и сè што е поврзано со тесто, но морам да се држам подалеку од тоа. Ги сакам лепчињата и печивата, но не смеам да ги јадам и свесна сум за тоа, тоа е најопасно за мене, моето тело и мојата тежина. Кога ќе одлучам да јадам тесто, го правам сама и не ме надувува – истакна пејачката за списанието „Hello“, а потоа откри на кои слатки сè уште не може да им одолее:
– Ги избегнувам слатките, но сепак не можам да одолеам на сладоледот. Човекот понекогаш мора да си угоди и да биде среќен.
