Само неколку дена пред стартот на Вимблдон, Новак Ѓоковиќ направи кратка пауза од подготовките и се препушти на музика и добра атмосфера. Српскиот тенисер присуствуваше на концертот на латино суперѕвездата Бед Бани во Лондон.
Ѓоковиќ беше дел од публиката на првиот концерт што пејачот го одржа во британската престолнина, а на својот Инстаграм сподели заедничка фотографија со музичарот, која брзо привлече внимание кај неговите следбеници.
Според пишувањата на странските медиуми, српскиот ас целосно уживал во концертната атмосфера. Освен што се фотографирал со Бед Бани, тој танцувал на латино ритмите и се забавувал пред враќањето на тениските обврски и настапот на најпрестижниот грен слем турнир.
Концертот собра бројни познати личности од светот на музиката, филмот и спортот. Меѓу присутните беа и пејачката Адел, како и Џо Џонас, кои исто така беа дел од публиката на еден од најочекуваните концерти во Лондон ова лето.
@jayj10x Bad Bunny & Novak Djokovic – acho pr es otra cosa – La Casita #badbunny #meportobonito #voyallevartepapr #novakdjokovic ♬ original sound – Jay
