За разлика од својот сопруг Доналд, коj не може да ја прежали загубата на претседателските избори во Америка, изгледа дека Меланија не ја дели истата тага.
Како што пренесуваат странските медиуми, а и многумина го забележаа, дамата која ретко се смее во последно време не ја трга насмевката од лицето.
Изворите блиски до Трамп истакнуваат дека Меланија е обземена со подготвувањето за преселбата, а нивниот нов дом по Белата куќа ќе биде имотот на Палм Бич на Флорида.
„Таа сака само да замине дома“, откри извор за CNN.
Меланија веќе подолго време се распрашува за локалните училишта таму за нејзиниот син Барон, а селидбата веќе започнала. Исто така, во тек е и реновирањето на нивната вила „Mar-a-Lago“. На нив таму нема многу да и недостасува пространството од Белата куќа, бидејќи овој имот на Флорида има само 4 простории помалку.
Сепак таа до официјалната селидба ќе мора да почека, но не многу долго, односно до денот на инаугурацијата на новиот претседател Џо Бајден која ќе се одржи на 20-ти јануари, а дотогаш ќе мора да ги извршува сите должности на првата дама.
Освен тоа, иднината на Меланија не е неизвесна. Како што пишуваат медиумите, таа размислува да започне да пишува книги.
Освен тоа, ќе продолжи со работата на својата кампања која се занимава со потенцијалното онлајн злоставување, но потенцијално ќе отвори и фонд кој е наменет за првите дами и кој би и ги покривал сите трошоци од нејзиното понатамошно работење и делување.
