Ѓоко Танески објави слика и видео на кое покажа во каков луксуз ужива на Охридското езеро. Пејачот кој е родум од Охрид има со што да се пофали, па на видеото покажа дека се опушта на луксузна јахта среде езеро.
Ѓоко објави и слика со поглед на езеро, а до објавата едноставно напиша: Заокржување на сезоната. Танески не откри на чива јахта ужива, но се гледа дека сончевите денови на почетокот од есента му годат.
-Да бидам искрен, многу е тешко да се опстане на македонската сцена, но низ целата моја кариера, за која и не мислам дека е многу успешна, барем можам да кажам дека е константна.
Се трудам постојано да вадам нови песни, на две-три години по една. За жал, нашата сцена е многу слаба и не знам дали трудот се исплати.
Но, моето одржување на сцената е затоа што ја сакам музиката, ги сакам настапите во живо и сакам да ја почестам публиката со по една нова песна.
Охрид за мене е убав во кое било време, но најубав е во зима кога ќе падне снег. Го сакам Охрид затоа што е мирен, нема многу метеж и сообраќај и затоа што е град на културата и никогаш нема да го напуштам Охрид“, рече Ѓоко Танески во едно интервју за „Слободен печат“.
