Поранешната кошаркарка и фитнес инструкторка, Едина Муса, не можеше долго да издржи без вежбање! Само 25 дена по породувањето, таа се врати во теретана, а доказ за тоа сподели со своите следбеници на Инстаграм.
На 14 март, Едина објави фотографија од својот прв тренинг по раѓањето на синот Максим, а со кратката, но јасна порака „Толку издржав“ даде до знаење дека со нетрпение го чекала овој момент.
Во спортски градник и кратки панталони, таа изгледа неверојатно – како никогаш да не била бремена!
Инаку, Муса остана активна до последниот момент од бременоста, тренирајќи дури и во 40-тата недела.
На 19 февруари, Едина и нејзиниот сопруг, Александар Димитровски – Мачка, го добија своето прво дете, малиот Максим. А ако судиме според нејзиниот брз камбек во теретана – супер мама е веќе во топ форма!
