Од моментот кога му соопшти на светот дека е бремена, пејачката со потекло од Барбадос не престанува да го покажува трудничкиот стомак, а овој пат тоа го направи дури и на модна писта.
View this post on Instagram
Светски познатата пејачка Ријана, која го очекува своето прво дете со својот партнер А$АР Роки, ги воодушеви обожавателите со своите храбри модни изгледи за време на бременоста, а со тоа веројатно ги инспирираше од модната куќа „Диор“ да ја поканат да биде дел од нивната последна ревија.
View this post on Instagram
Убавицата од Барбадос вчера присуствуваше на ревијата на „Диор“ на Модната недела во Париз каде дојде во црна долна облека над која носеше целосно проѕирен мрежест фустан. Разголениот стајлинг го комбинирала со високи црни лакирани чизми и со црн капут спуштен низ рамениците.
Ова досега е најсмелиот стајлинг на идната мајка од моментот кога почна да се познава нејзиниот труднички стомак.
View this post on Instagram
Ријана неодамна објасни зошто со секој стајлинг го истакнува трудничкиот стомак.
„Во моментот работам на промовирање на идејата дека трудниците и понатаму изгледаат привлечно, иако околината ве тера да го правите спротивното, да скриете нешто. Ве тера да ја криете својата сексапилност и да ја вратите по бременоста, а јас не верувам во тие работи. Затоа, се обидувам да носам работи за кои можеби немав самодоверба да ги пробам пред да забременам“ – изјавила пејачката.
View this post on Instagram
Инаку, 33-годишната пејачка го очекува своето прво дете со партнерот, раперот АСАП Роки, со кого е во врска неколку години.
Пејачката за првпат ги поттикна гласините за бременоста во ноември, кога ја прими наградата Национален херој на нејзиниот роден Барбадос во тесна тоалета.
