Шпанската божица и прва дама на спортот, Георгина Родригез има класична приказна со мотивот: од просјак, до крал и поради тоа постојано ги освојува срцата на јавноста. Нејзината убавина и харизма го освоија и Кристијано Роналдо, еден од најпосакуваните и привлечни мажи на планетата земја. Ова е нејзината приказна.
Кратка биографија
Георгина Родригез пораснала во Јака, град во североисточна Шпанија и дел од провинцијата Хуеска, во близина на Пиринеите. Таа е родена од мајка Шпанка и татко Аргентинец. Татко ѝ е осуден шверцер на кокаин по име Хорхе Родригез (71), кој поминал десет години во затвор. Таа научила танц пред да ја промени кариерата во манекенство откако студирала англиски јазик во Лондон.
View this post on Instagram
Љубов на прв поглед
27-годишната Георгина првпат беше забележана на низа состаноци со тогашната суперѕвезда на Реал Мадрид, Роналдо кон крајот на 2016 година. Таа тврди дека нејзината прва средба со фудбалската ѕвезда била „љубов на прв поглед“.
„Нашиот прв состанок беше во Гучи, каде работев како продавач“, изјави еднаш во интервју за „Сан“.
„Денови подоцна, повторно се видовме на настан на друг бренд.Тогаш можевме да разговараме во опуштена атмосфера, надвор од мојата работна средина. Тоа беше љубов на прв поглед и за двајцата“.
Роналдо, Георгина и јавноста
Вестите за нејзината врска со фудбалерот почнаа да се појавуваат во ноември 2016 година, кога беа фатени како шетаат рака под рака низ Дизниленд во Париз и јавно ја покажаа својата наклонетост еден кон друг.
View this post on Instagram
Раѓањето на нивната ќерка
Георгина ја роди ќерката Алана Мартина на 12 ноември 2017 година, а Роналдо објави слика на Инстаграм, пишувајќи: „Алана Мартина штотуку е родена! И на Гео и на Алана им оди одлично! Сите сме многу среќни!“
View this post on Instagram
Сега парот чека близнаци, чиј пол штотуку го открија на јавноста.
(ВИДЕО) КАДЕ ЖИВОТОТ ЗАПОЧНУВА: Георгина и Кристијано го окрија полот на близначињата
