Македонската инфлуенсерка и сопственичка на модниот бренд „Митроф“, Љупка Митрова, деновиве сподели фотографии од своето патување во Италија, каде престојуваше заедно со сопругот Георги.
Парот избра мирно и романтично катче во Веруно, мало гратче во италијанската провинција Новара, сместено недалеку од Торино. Нивниот престој бил во ексклузивната вила „Ла Фолеја“, луксузен објект опкружен со природа, кој нуди директен излез од терасата кон мало приватно езеро.
Вилата, која се простира на околу 180 квадратни метри, важи за едно од попривлечните места за одмор во регионот, а според актуелните цени на платформите за резервации, ноќевање таму чини повеќе од 1.100 евра.
На социјалните мрежи Љупка објави повеќе моменти од патувањето – од релаксирани утра со поглед кон езерото, до романтични вечери и возење со мало чамче низ мирната вода.
Следбениците особено ги воодушеви ентериерот на вилата, уреден во минималистички, но топол стил, со големи стаклени површини и поглед кон зеленилото.
Инфлуенсерката и овој пат привлече внимание и со својот моден избор, комбинирајќи елегантни и лежерни комбинации во духот на италијанската пролет.
