Поранешниот македонски кошаркар Перо Антиќ денеска (29 јули) го прославува својот 42. роденден.
Спортистот доби голем број честитки, а особено симпатични се фотографиите кои ги објавија неговите синови Лука и Павел.
Павел му напиша: „Среќен роденден тато“, на што Антиќ му одговори: „Душа татина“. Лука, пак, објави нивно „селфи“ и стави емотикони кои симболизираат прослава, а кошаркарот додаде стикер на кој пишува: „Моето момче“.
Партнерката на Антиќ, инфлуенсерката Сања Ристиќ, објави видео со нивните најубави фотографии и напиша: „Среќен роденден на најпрекрасниот човек на светот“.
Да потсетиме, Антиќ и Ристиќ открија дека се во љубовна врска на почетокот од годинава.
Тогаш ја објавија нивната прва заедничка фотографија на Инстаграм, на која позираа во пижами и покажаа дека биле на ноќно возење.
