Нашата позната пејачка, водителка, писателка и професорка Сузана Турунџиева на својот фејсбук – профил сподели фотографија од еден интересен цртеж кој го добила на подарок од своја ученичка.
Еден ученичка ја нацртала својата наставничка Сузе и и го подарила цртежот. Тоа што е интересно на овој цртеж е тоа што од устата на Сузана излегува нешто необично.
„Денес после долгиот разговор кој го имав со најмалите ученичиња, една од нив ми пријде и ми кажа дека ме нацртала додека зборував. Го погледнав зачудено цртежов и ја прашав што е тоа што излегува од мојата уста на цртежот“ – напиша Турунџиева во описот на објавата.
View this post on Instagram
„Виножито наставничке, затоа што секогаш убаво ни раскажувате“ – бил одговорот на уметницата на овој прекрасен цртеж.
„Па има ли поубав комплимент?“ – напиша Сузана завршувајќи ја објавата.
Цртежот за рекорден период собра стотици допаѓања на социјалните мрежи од бројните фанови на Сузе.
