Лепа Брена на новогодишната ноќ облече контроверзен фустан кој денеска е главна тема на Твитер.
Таа носеше тесен фустан со светки и необичен принт, а гледачите ги вознемири дезенот кој ги истакнува женските облини.
Корисниците на социјалните мрежи не кријат колку се збунети од изборот на кралицата на фолкот, особено од црните точки (на фустанот) на брадавиците.
Храбриот потег на Брена не наиде на претерано позитивни реакции. Многумина истакнаа дека фустанот не е погоден, но и дека ова е најгрдиот стајлинг што некогаш го носела. „Зошто?“, „Лепа Брена во најгрдиот фустан што сме го виделе во животот“, „Фустанот… Претпоставувам дека е некоја погрешно разбрана уметност“, беа дел од коментарите на Твитер.
Сепак, и покрај негативните коментари, дел од обожавателите го бранеа нејзиниот избор на Инстаграм профилот на пејачката: „Престанете да зборувате за невкус, ова е силна порака за еманципација и слобода на жените на Балканот, каде секоја убава и успешна жена доживува линч“. напиша една корисничка.
Оваа фотографија брзо стана вирална, а општите мислења се дека ваквиот стајлинг не и одговара на пејачката, но и на нејзините години.
