Денес, 9 март, рокерот Милиќ Вукашиновиќ има посебна причина за славење по тешкиот период и ампутацијата на ногата. Имено, тој денес го слави својот 76-ти роденден, а објави и хумористично видео на својот профил на социјалните мрежи.
Неговата сопруга Сузана го снимила додека седел на каучот и разговарал на телефон со неговата тетка.
– Тето, имам 76 години, а ти рече дека нема да доживеам 50 години. И мора да знаеш, не планирам да умрам сè уште – рекол Милиќ смеејќи се.
Потоа Сузана ги запали свеќите на тортата, а зад рокерот стоеја балони со бројот „76“.
– Среќен роденден љубов моја, посакувам да си жив 100 години и повеќе – му рече Сузана.
