Ким Кардашијан неодамна на Мет Гала се појави облечена во фустанот од пет милиони долари што го носеше Мерлин Монро, златната дива на Холивуд, а овој пат ријалити ѕвездата реши да го пресоздаде изданието на уште една позната убавица – Моника Белучи.
Ким на својот инстаграм – профил сподели серија фотографии на кои позира во необично, сензуално издание, иако закопчано од глава до пети, на кое веќе ја видовме славната Италијанка пред три децении, пренесува „Блиц Жена“.
View this post on Instagram
Имено, ријалити ѕвездата ги покажа своите бујни облини и тенок струк во винтиџ бордо плишан корсет, кој доаѓа во комплет со предимензиониран кардиган. Под корсетот носеше и црно здолниште и црни ликра хеланки, а изданието го комплетираше со стилизираната коса во лежерна пунџа.
Станува збор за креација на брендот „Dolce & Gabbana“, а интересно е што Моника Белучи за прв пат му ја покажа на светот на ревијата на оваа италијанска куќа, далечната 1991 година. Познатата Италијанка, тогаш имаше само 27 години, овој корсет го носеше токму на ист начин како и денес Ким, а старлетата дури и ја „симна“ фризурата на Моника.
Очекувано, ова предизвика бројни реакции на социјалните мрежи, но и поделени мислења:
„Кога некој ќе и забрани вака да ги валка имињата на жените“, „Јас да сум Моника ќе ја тужев“, „Ова е срамота“, „Зошто мисли дека е лига на Моника“, „Изгледа како кловн и аниматор во циркус“, „Ова е сквернавење на жена како Белучи“, „Дали Моника сега седи и плаче? Затоа што ќе плачев ако некој ме понижи вака“, се само дел од коментарите кои ги разбрануваа социјалните мрежи
