Пред 18 години, на 25 август, поранешните сопружници Владо Калембер и Ана Руцнер го добија синот Даријан.
Денес, полнолетното момче сè повеќе наликува на својот татко Владо Калембер, што го забележале и бројни следбенiци кои во една прилика ѝ коментирале на Ана дека Даријан е „клон на татко му“. Имено, убавата виолончелистка на својот профил објавила фотографија со синот и собрала многу симпатии и лајкови.
Според според сè, наследникот на Калембер ќе продолжи по стапките на своите родители и не е тајна дека го интересира музиката. На фејсбук-профилот на Даријан стои дека работи во „Калембер АУДИО“, бизнис кој се занимава со изнајмување светлосна и звучна опрема за разни настани.
Ана и Владо Калембер често истакнуваат колку се горди на својот син, кој го добија во деветгодишниот брак. Поранешните сопружници останаа во одлични односи – музички сè уште соработуваат, а особено се согласни и хармонички кога е синот во прашање.
Да потсетиме, Ана и Владо се венчаа во тајност една година откако се запознаа во 2005 година на забавата на Жељко Керум. Тие се разведоа со заедничка согласност во 2014 година, а потоа се договорија нивниот син Даријан да продолжи да живее со мајката.
