Славењето на големиот христијански празник Велигден е еден од најубавите периоди во годината. Традиционалното фарбање на јајцата кое започнува на Велики Четврток го обележува почетокот на празничната атмосфера во сечиј дом.
Голем дел од нашите познати личности, придржувајќи се до традицијата гордо покажаа дел од празничната атмосфера и прекрасно украсените домови во сите бои на пролетта.
Меѓу првите што на својот инстаграм-профил ја покажа својата велигденска кошничка полна со црвени, жолти и зелени јајца беше нашата пејачка Калиопи.
Потоа нашата позната пејачка Викторија Лоба и нашата лото-девојка Марјана Станојковска како што налага традицијата се пофалија со традиционалните црвени јајца.
Нашата позната водителка и инфлуенсерка Лила беше меѓу првите наши познати личности кои ја испочитуваа традицијата бојадисувајќи само три црвени јајца рано наутро.
