Ела Дворник отворено проговори за новата естетска интервенција на која неодамна се подложила, споделувајќи фотографии и детали од закрепнувањето на социјалните мрежи.
Хрватската инфлуенсерка откри дека направила ендоскопски „brow lift“ и блефаропластика, односно корекција на пределот околу очите и веѓите, бидејќи чувствувала дека со текот на времето нејзиниот поглед изгледал поуморно и „потешко“.
„Мило ми е ако со моето добро или лошо искуство можам да им помогнам на другите полесно да донесат одлука. И јас многу работи научив од туѓи искуства“, напишала Ела.
Таа објаснила дека природно имала спуштени капаци и веѓи, а со годините тоа дополнително се изразило.
„Не сакав да изгледам затегнато и неприродно, туку само посвежо и поодморено“, рекла инфлуенсерката.
Ела откри дека интервенцијата била помалку драматична отколку што звучи.
„Зборот ‘операција’ секогаш звучи страшно, но реалноста е дека доаѓаш, те подготвуваат, заспиваш и се будиш“, објаснила таа.
Според неа, првите денови по зафатот биле најтешки поради отоци, модринки и чувство на затегнатост на лицето, а за конечниот резултат потребни се неколку месеци.
„Најсреќна сум затоа што не изгледам како друга личност. Сè уште сум јас, само поодморена“, истакнала Ела.
Таа додала и дека верува оти помалите и навремени корекции можат да дадат поприроден резултат отколку радикалните естетски операции.
„Проблемот настанува кога човек ќе почне да бара маани во секој детал. Денес капци, утре нос, задутре јаболчници… Така лесно можеш да се изгубиш“, рекла Дворник.
Инфлуенсерката нагласила дека никогаш не сакала да личи на некој друг и дека е важно секој човек да ги знае границите кога станува збор за естетските интервенции.
