Џина Џиновиќ повторно го привлече вниманието со својот моден избор. Младата инфлуенсерка, која важи за една од најстилизираните девојки на српската јавна сцена, овојпат позираше во луксузна лимузина во Марбеља.
За оваа пригода избрала црно здолниште со шлиц кој се протега речиси до колкот, краток топ во иста боја, но најмногу внимание привлекле нејзините сандали.
View this post on Instagram
Џина на фотографиите носи сандали чија вредност е близу 2.000 евра, покажувајќи уште еднаш дека кога станува збор за обувки, не штеди.
Иако често објавува фотографии од ексклузивни места и во скапи модни комбинации, таа неодамна откри дека не сака да троши пари на, како што самата вели, „глупави парчиња“.
Џина неодамна на својата страница сподели размислување за трошењето големи суми на основни парчиња облека.
„Би сакала преку ова прашање да ви го кажам моето мислење за трошењето „голема“ сума пари на „основни“ парчиња. Еднаш една познаничка се обиде да ме понижи така што во друштво ме нарече „Мис високо-ниско“, алудирајќи на тоа дека носам достапни работи во комбинација со скапи брендови. А мене тоа ми е сосема глупаво“, започнала Џина.
Таа објаснила дека, иако сака брендирана облека поради квалитетот и естетиката, основните парчиња најчесто ги купува во продавници со попристапни цени.
„Колку и да сакам брендирана облека – поради квалитетот, естетиката и милион други причини – основните парчиња главно ги наоѓам во попристапни продавници. Бесмислено ми е да дадам повеќе пари за обична маица или фармерки што истите можам да ги купам на друго место, а притоа да се со ист квалитет! Не станува збор за тоа да имаш пари за расфрлање, туку за принцип – да знаеш на што е во ред да потрошиш, а на што е чиста глупост.“
Таа особено се осврнала на високите цени на основната облека.
„Не, не ми е нормално да дадам 450 евра за обична бела маица, како што прави половина од моето опкружување. Глупост. Тоа е мое мислење и не – колку и да имам пари и да можам да ги „фрлам“ на што сакам, нема да ги давам за обични парчиња, бидејќи според мене тоа е бесмислено и, ако смеам да кажам, глупаво“, заклучила Џина.
