Поранешниот македонски телевизиски водител Дамјан Дренковски и неговата сопруга Александра одбележаа една година од бракот со патување во Рим.
Сопружниците, кои живеат во САД, по повод првата годишнина заминаа во италијанската престолнина, а фотографии од нивното патување споделија и на социјалните мрежи.
Една од локациите што ги посетија беше познатата Фонтана ди Треви, каде што ја испочитуваа и популарната традиција поврзана со оваа римска знаменитост. Александра сподели фотографии од моментот и откри дека посетата на фонтаната имала посебна симболика за нив токму поради годишнината.
„Нашата прва годишнина во Рим, посета на фонтаната Треви и една мала традиција што не можевме да ја пропуштиме. Се вели дека Фонтаната на вљубените ги одржува паровите вљубени засекогаш, што ја направи најслатката станица на нашето патување во Рим“, напиша Александра.
View this post on Instagram
Дамјан и Александра се запознале во јануари 2024 година во Скопје, а нивната прва средба се случила сосема случајно на Ромскиот бал.
