Нашата позната пејачка и претседателка на здружението за борба против рак „Борка“, Биба Додева, еден ден по својот 47 – ми роденден повторно заплива во брачните води.
Облечена во елегантен црн комбинезон држејќи во раката прекрасен колоритен бидермаер пејачката повторно го изговори судбоносното „ДА“ и се заколна на вечна љубов, пред своите најблиски на интимна церемонија.
Пејачката стапи во брат со својот сакан Срѓан. Биба за Женски Магазин откри детали како започнала нивната љубовна приказна:
„Ние сме си љубов од 2011 година. Не ни беше судено тогаш. Пак се пронајдовме, и љубовта продолжи како никогаш да немала прекин. Едноставно не ми се верува дека има среќичка и за мене на тоа поле. Пресреќни сме. Ова е само уште еден убав доказ дека сепак од она што ти е судено не се бега, па кога е вистинско време, тогаш и ќе ти дојде во животот“ – изјави пејачката за Женски Магазин.
Свадбената прослава се случи во „Бифе Тафталиџе“, каде Биба и Срѓан се заколнаа на вечна љубов. Иако Биба е јавна личност нејзиниот сопруг не сака да се експонира.
Пејачката многу ретко откриваше детали од својот приватен живот во текот на својата кариера држејќи ги семејството и саканите далеку од очите на јавноста. Биба од својот прв брак ја има ќерката Емануела, која пред скоро пет години и го подари внукот Хумберто Александар.
Првата свадбена фотографија која се појави на социјалните мрежи од свадбената прослава ја објави долгогодишната пријателка на пејачката, писателката на Ана Бунтевска.
„БИБО МОЈА, ВИ ПОСАКУВАМ ВЕЧНА ЉУБОВ. ДА СЕ ЧУВАТЕ И ДА СИ БИДЕТЕ СТОЛБ ЕДЕН НА ДРУГ. ДУШАВА ПОЛНА“, НАПИША ПОЕТЕСАТА НА СВОЈОТ ФЕЈСБУК – ПРОФИЛ.
Само неколку дена по свадбената прослава Биба го објави и првото селфи со својот сопруг.
