Ава Карабатиќ со солзи во очите се прости од својот татко Ивица на емотивна проштална церемонија во Рогозница.
Хрватската старлета Ава Карабатиќ помина низ еден од најтешките денови во својот живот – се прости од својот татко Ивица Карабатиќ, кој почина на 59-годишна возраст.
Емотивната проштална церемонија се одржа на локалните гробишта во Дворнице во Рогозница, а потресните сцени од последното збогување ги трогнаа сите присутни.
Ава пристигнала на погребот видливо потресена, облечена во едноставна бела кошула и црни панталони, а солзите не можела да ги скрие кога стоела покрај ковчегот на својот татко, нежно допирајќи го и гледајќи ја неговата фотографија опкружена со цвеќиња. Лента со едноставниот потпис „Ава“ била закачена на венецот покрај ковчегот.
На лицето ѝ се гледало тага, но и сила со која за последен пат стоела покрај својот татко, кој, како што нагласи во неколку наврати, ѝ бил голема поддршка во животот.
На една од трогателните фотографии, таа ги брише солзите од лицето, додека зад неа се членови на семејството и блиски пријатели кои дошле да ја споделат нејзината болка.
Ава со солзи, бакнувајќи ја неговата фотографија, се простила од својот татко.
„Моето срце се скрши на илјада парчиња, а душата остана нема. Тој беше моја поддршка, мој херој, а сега го нема. Ќе живееш во мене засекогаш, тато. Нека ангелите те чуваат, како што ти ме чуваше мене“, рекла Ава.
Фотографиите можете да ги погледнете – ТУКА.
