Драган Спасов – Дац денес го слави својот 59-ти роденден, а вчеравечер актерот по втор пат заплива во брачните води. Без да знае, во тајност и со помош на најблиските пријатели, неговата долгогодишна партнерка, а сега веќе и официјална сопруга, Весна Терзиевска организирала матичар и мини прослава во еден познат скопски ресторан.
Актерот на својот фејсбук – профил сподели и фотографија од свадбената прослава, заедно со невестата која е облечена во џинс, бела спортска маица и палто, а на главата носи вел.
„Синоќа во очи мојот роденден, мојата Весна заедно со пријателите ми приреди несекојдневно изненадување. Во најголема тајност и без ништо да се посомневам, организирале матичар, и синоќа званично стапивме во брак. Фала на сите, посебно на мојата лавица. Весна, те сакам бескрајно!“ – напиша актерот во описот на објавата.
По споделувањето на убавата вест, фејсбук – профилот на Дац беше преплавен од бројни честитки како од пријателите и колегите, така и од бројните фанови и следбеници на актерот.
Честитки Дац и Весна!
