Поранешниот модел на Викторија Сикрет прошета во целосно опуштено издание и предизвика вистинска лавина коментари.
И покрај тоа што јавноста е навикната да ја гледа Адријана Лима (39) во најгламурозните изданија, таа знае да изненади и со многу полежерни комбинации. Скоро секогаш е врвна, но овој пат фотографите ја „уловија“ во потполно природно издание, без трошка шминка додека заедно со својата ќерка шета по улиците во Мајами.
Манекенката прошета во лежерна црна комбинација и папучи со високи бели чорапи.
Фотографиите од Лима предизвикаа поделени коментари. “Убава и без грам шминка. Природна и негувана жена“, беа дел од позитивните коментари.
Но, од друга страна имаше и такви кои велат дека манекенката е непрепознатлива и дека изгледа како повеќето девојки. „Има многу поубави и попривлечни девојка од неа. Да ја поминев, немаше да ја препознаам“, гласеше еден од коментарите.
