Ѕвездата на серијалот без кој не може да се замисли ниту едно детство, „Home alone“, Меколи Калкин (39), откри дека учествувал на аудицијата за филмот на Квентин Тарантино, „Once upon a time in Hollywood“, како и дека тој негов обид да добие улога поминал катастрофално.
Во интервју за „Esquire“, Калкин рече дека имал прилика да се најде рамо до рамо со Леонардо Дикаприо и Бред Пит, доколку работите се одвиле само малку поинаку.
– Беше катастрофално. Ниту самиот на себеси не би си дал улога по тоа што се случи. Генерално сум лош на аудициите, но ова е прва на која учествував по осум години – објасни актерот.
„Once upon a time in Hollywood“ на неодамнешното доделување на Оскарите освои две награди, за машка споредна улога (Бред Пит), како и за сценографија.
Последниот филм во кој Меколи се појави беше „Changeland“ од 2019 година, a тој вели дека неговата последна улога била освежувачка промена.
– Без разлика на тоа колку се однесувам како старец, убаво е да се вратам и повторно да глумам – истакна Калкин и потоа објасни зошто не е толку присутен во шоубизнисот.
– Луѓето претпоставуваат дека сум луд и чуден. Но, се до последните две години не ни сакав да бидам дел од тој свет. Така што можам тоа да го разберам – порача Калкин.
