НБА ѕвездата Двејн Вејд неодамна гостуваше во емисијата на легендарната Елен Деџенерис и откри за јавноста дека неговото 12-годишно дете е трансродово.
Всушност, таа е родена како момче по име Зион, но сака да ја викаат Заја и за неа да се зборува во женски род.
„Заја, нашата 12-годишна ќерка, родена како момче по име Зион, еден ден дојде дома и рече дека сака да разговара со нас: Мислам дека сум спремна да ја живеам вистината. Сакам кога за мене зборувате и ги користите термините ‘таа’ и ‘нејзино’. Би сакала да ме виката Заја“, објасни Вејд.
Meet Zaya. She's compassionate, loving, whip smart and we are so proud of her. It’s Ok to listen to, love & respect your children exactly as they are. Love and light good people. pic.twitter.com/G2lLVdD2VT
— Gabrielle Union (@itsgabrielleu) February 11, 2020
Потоа тој додаде дека со неговата сопруга, актерката Габриел Унион, тие се двајца многу горди родители.
„Ја погледнав и ѝ реков дека е лидер. Ова е нашата можност да ѝ овозможиме да биде глас. Тоа се уште ќе биде преку нас, бидејќи има само 12 години, но со текот на времето сама ќе биде својот глас“, заклучил Двејн.
