Малиша, (Елеонора Мустафовска), започнува соло кариера. Новата песна е насловена „Теби се предајем“, автори се Јован Јованов и Иван Јованов.
Таа отсега ќе настапува под името Малиша, за кое вели дека го избрала поради внуката која живее во Америка и долго време не ја видела, а многу ѝ недостасува.
Елеонора е родена во Кратово и потекнува од музикално семејство, каде што својот раскошен музички талент го наследила од нејзиниот татко. Преголемата љубов што ја врзува за внуката Малиша, е единствена причина што таа реши својата соло кариера да ја продолжи под уметничкото име Малиша, како што воедно ќе биде насловенo и најновото музичко издание, соопштија нејзиниот менаџер, Симеон Атанасов и Малиша.
Малиша, своите почетоци во музиката ги има уште како дете, најпрво слушајќи го својот татко, а подоцна учествува во сите културни збиднувања во училиште, каде што микрофонот бил секогаш резервиран за неа. Така е се до својата 17 година, кога ќе има среќа да биде слушната од кралицата на ромската музика Есма Реџепова Теодосиевска, која во Малиша препознава потенцијал.
