Познатата пејачка Емина Јаховиќ, која со години живее во Истанбул заедно со своите синови Јаман и Јавуз, изрази длабока вознемиреност поради серијата земјотреси што го потресуваат регионот.
Преку објава на Инстаграм, Јаховиќ сподели дека во последните два дена, во круг од 11 километри околу нејзиното место на живеење, се регистрираат чести потреси. Таа објави и слики од сеизмолошки податоци, нагласувајќи дека стравува за безбедноста на себе и своето семејство.
„На секои 5 минути се чувствуваат потреси. Веќе два дена живееме во страв и неизвесност“, напиша таа на својот профил.
Иако Емина досега честопати споделуваше сцени од нејзиниот мирен живот во Истанбул, последните случувања ја вознемирија неа и многу други жители на турската престолнина. Пејачката упати молитви за мир и стабилност, надевајќи се дека потресите ќе престанат и животот ќе се врати во нормала.
Според извештаите, во текот на изминатите денови во Турција се регистрирани повеќе умерени до силни земјотреси, што предизвикаа страв меѓу населението.
