Како епски настан на социјалните мрежи се опишани концертите на раперите од Босна и Херцеговина, Јала Брат и Буба Корели, во Арената „Јане Сандански“ во Скопје.
Салата беше распродадена, атмосферата весела и енергична, а шоуата беа на ниво на најголемите европски продукции и спектакуларна аудио-визуелна сценографија во режија на „Скај мјузик“. Овие концерти се почетокот на турнејата во духот на препознатливиот концепт на Музичката недела.
Публиката го придружуваше енергичниот и динамичен настап на раперите, пеејќи го во глас секој нивен хит.
Како ретко кој досега, раперите, кои се миленици на младата публика, успеаја да ја наполнат салата „Јане Сандански“ двапати по ред – два концерти исполнети со неверојатна енергија и емоции.
