Поранешниот сопруг на Јелена Карлеуша, фудбалерот Душко Тошиќ, купил луксузен имот во близина на Зрењанин.
Според изворите, викенд-куќата ќе му служи на Тошиќ да ужива во жешките летни денови, далеку од градските метежи и очите на јавноста.
Станува збор за имот од 100 квадратни метри за кој тој платил околу 100.000 евра, според изворот.
Куќата има модерен базен, до кој се наоѓаат удобни софи и лежалки, идеални за попладневен одмор и сончање, особено поради прекрасниот поглед на околната природа, за кој изворот додава дека „вреди милион евра“.
„Душко сакал место каде што ќе може да избега од Белград, да се опушти и да ужива во тишината. Зрењанин е блиску до неговиот роден град и поради таа причина е врзан за таа област. Сè средило за да изгледа врвно, а планира поголемиот дел од времето да го поминува покрај базенот со пријателите и семејството“, открива извор за Информер.
За потсетување, Душко моментално е на одмор во Палма де Мајорка, каде што ужива со своите ќерки Атина и Ника.
