Холивудската актерка Џесика Алба е мајка на три деца, ќерките Онор Мари, Хевер Гарнер и синот Хејс.
Како и секоја мајка, така и холивудската актерка се обидува ништо да не им недостанува на нејзините деца, но со оваа нејзина изјава ги зачуди своите обожаватели.
Актерката изјави дека се обидува постојано да ги контролира нејзините деца. Таа инсталирала камери во сите детски соби за да ги следи како напредуваат со нивното учење, имајќи го предвид фактот дека поради пандемијата на коронавирусот и нејзините деца следат „онлајн“ настава.
„Секако дека ги опоменувам ако не обраќаат внимание на она што наставникот им го кажува! Имам свои скриени камери преку кои можам да видам дали се фокусирани или се шегуваат. Ако случајно се испокараат, можам да го премотам видеото за да проверам кој почнал прв“, гордо објасни Алба.
Таа воедно откри дека нејзините деца не знаеле со што се занимава нивната мајка до пред неколку години.
„Се сеќавам кога Онор беше прво одделение, еден ден се врати дома целата тажна и ме праша: „Зошто не ми рече дека си славна личност?“. Таа се чувствуваше изневерена затоа што не знаеше што работам, а една соученичка и донела списание на кое сум на насловна страна. На Онор не и беше јасно што бара нејзината мајка во веникот“, се потсети актерката низ смеа.
Алба вели дека и двете ќерки долго време мислеле дека нивната мајка работи за еколошки одобрена компанија за козметика „The Honest Company“, која ја основала, а нејзиниот син Хејс има само три години, па очигледно и не размислува за нејзината професија.
Преземено од Слободен Печат.
