Омилениот актер и шоумен на многу генерации, Игор Џамбазов на својот инстаграм – профил постојано објавува фотографии и кратки видеа од неговиот приватен живот, спомени од минатото, фотографии и пораки посветени на семејството, пријателите и саканите.
Овој пат актерот сподели на својот фејсбук – профил сподели старо видео, снимка со лош квалитет но многу љубов и музика во неа. На видеото е нашиот познат поп-рок пејач Влатко Илиевски, чиј живот згасна прерано.
Влатко на видеото во друштво на уште еден музичар свири на гитара и пее во еден скопски локал, а еден од гостите е тогашниот претседател на нашата земја – Ѓорге Иванов и тогашната прва дама Маја Иванова.
„Пред 12 години. Убав неделен мајски ден на улица Ленинова. Очигледно Влатче и Иван немаа трема пред тогашниот претседател на Република Македонија, нашиот драг гостин Ѓорги Иванов. Фини луѓе, фино поминато попладне со фина музика во фино друштво со Маја и Ѓорге. Честитки за новороденото синче и внуче Ѓорге Џуниор“ – свои во описот на оригиналната фејсбук објава на „Мајка ти и Татко ти“.
Прерано починатиот пејач остана непребол за целата македонска јавност, а зад себе остави многу песни со кои, за среќа, го продолжуваме сеќавањето на него.
