Со едноставен стајлинг се постигнува впечатливост во еден потег. Тоа го докажа Деми Мур (56) на свечениот настан во Лос Анџелес, кој го одржа женскиот рехабилитационен центар „Peggy Albrecht Friendly House“. Глумицата јавно ја поддржа оваа установа, а за овој настан одбра едноставна, но многу ефектна креација.
Станува збор за комбинезон од тексас во темно сина боја, со мошне интересни детали како на пример подолгите, но сечени ракави, кои на моделот му дадоа елегантен изглед, но и самиот крој кој ѝ ги нагласуваше фигурата и деколтето на суптилен начин.
Деми стајлингот го надополни со детали во бела боја – рачен часовник, потпетици и ташна на Џузепе Заноти.
