Речиси три децении по снимањето на спотот за песната „Иди док си млад“, фотографот и режисер Дејан Милиќевиќ откри интересен детаљ што со години останал незабележан.
Милиќевиќ, кој соработувал со голем број музички ѕвезди од регионот, раскажа дека во спотот на Светлана Цеца Ражнатовиќ се провлекла грешка што речиси никој не ја забележал.
„Во тој спот постои една грешка. Случајна е, но навистина не сум нормален… Дрвосечачот, наместо да ја фрли секирата кога влегува во автомобилот, тој влезе со секирата“, изјави Милиќевиќ.
Тој се присети и на снимањето на омотот за албумот „Љубав фатална“, истакнувајќи ја професионалноста на Цеца.
„Има многу анегдоти… Кога го снимавме првиот омот за „Љубав фатална“, бевме во гаража на Обилиќев венац. Сакавме Цеца да биде со зализана коса на мотор, но фризерката не понесе прскалка со вода. Цеца виде една бара и рече: „Еве, земи вода одовде.“ Фризерката ги натопи рацете во баричката и ѝ ја зализа косата. Тогаш гледаш колку некој е суров професионалец – важно беше само работата да се заврши“, раскажа тој за „Гранд“.
