Саксофонистот Горан Папаз сподели преубава слика со своите четири деца и со сопругата. До сликата со неговото најголемо богатство, музичарот напиша: „Сѐ што ми треба. Фамилија“.
На крајот од 2025, Горан Папаз имаше посебен повод за славење. Имено, музичарот и неговата сопруга Наташа го одбележаа првиот роденден на тројката која ја добија на крајот од 2024 година.
Горан и Наташа споделија низа семејни фотографии од домашната прослава со малите Лена, Луна, Лазар, но и со поголемото синче Дамиан на Папаз и нивните најблиски.
„Една година од најубавиот ден во мојот живот – 3 нови, разиграни срциња во 3 минути. Среќен роденден сонциња на мама и тато, да сте ни секогаш здрави, среќни, разиграни, палавки и исполнети со љубов и прекрaсни луѓе околу вас. Ве сакаат мама, тато и бато до бесконечноста и назад. П.С. За мене вака изгледа „Раце полни љубов и среќа”, пишуваше покрај фотографиите.
„Го решив проблемот со барање музичари за бенд“, се пошегува Горан Папаз кога дозна дека неговата сопруга ќе роди тројки.
