Американската поп ѕвезда Бритни Спирс е позната по своите јавни скандали, а сега ги запрепасти следбениците на Инстаграм со признанието дека ја запалила теретаната.
Бритни објави видео и објасни како се случил несреќниот случај, односно како ја запалила теретаната во која поминувала и по неколку часа дневно.
„Беше несреќа, но да, јас ја запалив теретаната“, со овие зборови Бритни го започна своето обраќање.
Потоа откри дека за среќа никој не бил поврден, но и дека штетата е голема и дека од сите справи во салата само две се во функција.
„Поминав покрај вратата на теретаната и видов пламен. Со Божја милост, алармот брзо се огласи и никој не е повреден. За жал, сега ми останаа само две функционални справи и еднострано огледало“, раскажува Бритни.
Бројните фанови веднаш и пружија поддршка преку пораките и утешните коментари.
„Важно никој не е поврден“, „Немој да се нервираш, на секого може да му се случи ваква незгода“, се некои од коментарите.
Сепак, има и такви кои не поверуваа во нејзината приказна, бидејќи, како што тврдат, Бритни е премногу „ладна“ додека го раскажува тоа што се случило.
Што мислите вие?
