Најпрво слушнете ја новата песна на Бојана, а потоа уживајте во разговорот…
Со песната „Зад завесите„ повторно се враќаш на македонската музичка сцена. Какво е чувството повторно да си активна во музичките води?
– Задоволство ми е да се вратам на музичката сцена со една ваква моќна песна полна со емоции. Преку музиката можам да споделам вистински чувства и став за важни теми од општеството и животот. Музиката на најдобар начин знае да ги “преведе” емоциите. „Зад завесите“ е мојот нов и оригинален come-back кога е во прашање моето творење и кариера. Времето зад сцената кога ја паузирав музичката кариера ми беше и повеќе од доволно да размислам за многу нешта и да ја откријам повторно мојата љубов кон музиката и пеењето. Затоа со овој нов чекор напред, се враќам посилна од претходно затоа што е време за ново музичко патување.
View this post on Instagram
Раскажи ни малку повеќе за песната и која е приказната „Зад завесите“?
– Песната за мене претставува оживување на автентични емоции, коишто низ секој испеан стих наликуваат на глас на вистината. Ксенија Николова, која е текстописец на „Зад завесите“, во еден разговор кажа дека, – ова е песна за сите луѓе, кои се во животот на еден човек, но се всушност и публика, набљудувачи, коментатори и судии. Сржта на песната е отсуството на емпатија во светот полн со предрасуди, а тоа е модерната реалност, којашто нè опкружува. Секој стих во оваа песна е дамски стил на пренесување на главната порака, којашто сакам да ја пренесам и до јавноста и до моите фанови. Музиката и аранжманот се на Роберт Билбилов, а видео записот на „Зад завесите“, е во режија на Александар Ристовски- Принц. Двајцата се едни од најценетите на нашата естрада, а во нивната креативна и трансформативна визија верувам секогаш. Многу сум благодарна на целиот тим, којшто се потпишува на овој музички проект.
View this post on Instagram
Која е главната мотивација да продолжиш со пеење?
– Точно е дека се враќам на музиката по подолго време, а најглавната причина и мотив за истото лежи токму во мене и во можноста повторно да покажам и докажам дека македонската музичка сцена заслужува една „Бојана“. Со своите 38 години, сѐ уште сакам да работам и подготвувам нови песни и сметам дека доколку нешто се сака, како што јас ја сакам музиката, годините не се важни за напредок, творење и работа.
View this post on Instagram
Со песната за многу кратко време достигнавте висок број на прегледи. Кои се вашите импресии и дали оваа песна ги исполни вашите очекувања?
– Навистина сум благодарна од одзивот, поддршката и коментарите за песната и самиот видео запис. Успехот е резултат којшто се должи на врвниот тим, кој работеше и внимаваше и на најситниот детал од почетокот до крајот на создавањето на ова дело. Темата е совршено доловена во секој дел од песната и се надевам дека пораката на истата, ќе допре што помасивно до сите и можеби ќе промени голем број на размислувања. Сепак во реалноста која нѐ опкружува постои големо отсуство на емпатија, а се надевам дека мојата музика ќе придонесе оваа тема да не остане заборавена и нешто за коешто не се разговара и се молчи.
View this post on Instagram
Кога би морала со три зборови да ја опишеш песната, тоа би биле…?
– Моќна, емотивна и динамична.
View this post on Instagram
Што може да очекуваме од Бојана во 2022 на музички план?
– Многу нови изненадувања. Со својот тим подготвувам промоција на 2 нови песни, а ќе следат и неколку нови проекти и настапи. Оваа година сакам македонската јавност да ја види новата трансформирана Бојана. Се работи активно на песни и проекти, коишто сигурна сум дека ќе останат во сеќавање и што е најважно, – ќе се слушаат низ годините кои следат.
View this post on Instagram
Кој е најдобриот совет што си го добила во животот и од кого?
– Најдобриот совет што сум го добила е од мојата баба, која ми кажа дека, – желбите постојат за да се остваруваат! И истиот е константниот двигател во мојот живот и кариера.
