Тајлејн Блонду, најубавото девојче на светот, која се прослави пред десеттина години преку рекламните кампањи, денеска е порасната, а на медиумите се уште им е многу интересна.
Убавата Тајлејн, која во 2007 е прогласена за најубаво девојче на светот, порасна во прекрасна девојка за која се борат модните куќи и познатите козметички брендови. Покрај тоа, таа минатата година ја освои титулата за најубаво лице во светот.
Нејзиниот живот од мали нозе е различен, подинамичен и обележан со различни снимања низ целиот свет.
Денеска, 18 годишната французинка исто така изгледа неверојатно и нижи работни успеси, но сама го прави својот распоред, па сепак успеала да најде време за љубов. Како и повеќето нејзини врсници, таа моментално поминува низ слатка тинејџерска љубов. Таа со новиот дечко кој до сега и беше непознат на јавноста ужива на одмор на Карибите.
Неговото име е Милан Мерит и во врска се од јануари оваа година. Судејќи по најновите фотографии од папараците, каде тие се наоѓаат на плажа, парот не може да биде посреќен.
Заиграни и заљубени, тие уживале на песочната плажа, а погледите посебно ги привлекувала згодната бринета која изгледа неверојатно добро.
