Поранешната Мис Европа и Мис спорт, Дијана Милојковиќ, почина на 33-годишна возраст, после долгогодишна борба со ракот на грлото на матката.
Нејзиниот живот и борба беа инспирација за сите жени кои страдаат од тешки болести, според кои нејзината судбина е животно искуство, а не пресуда.
Таа победи на изборот на Мис на Србија во 2009 година, а на меѓународен натпревар во Бејрут стана Мис Европа и Мис спорт.
На 27-годишна возраст дознала дека боледува од инвазивен карцином на грлото на матката. Својата борба ја пренесуваше преку профилот на Инстаграм, на кој не штедеше совети и поддршка за сите оние кои, како неа, ја водат најтешката животна битка.
Со трогателна порака од нејзе се прости и нејзиното поранешно момче, Стефан Кариќ, кој во почетокот ѝ беше најголема поддршка, па дури и ја скрати својата коса, кога таа почнала со хемотерапија.
Парот подоцна се раздели, но останаа до самиот крај во пријателски односи.
